SeptemberFest

Daming tao sa DLSU Taft noong huling linggo ng Setyembre.  Ito na kasi ang katapusan ng apat na araw ng Linggo na nakipagbuno ang mga barista sa mahirap na bar examinations.  Super saya ng lugar, akala mo ay napaaga ang Oktoberfest!  Basang-basa kami sa pinapaulan na beer, wine, softdrinks, tubig at kung ano-ano pa.  Namaos at nabingi ako sa kabi-kabilang cheering ng bawat universities.

Pagpatak ng 5 ng hapon, mas lalong tumindi ang sigawan at ingay.  Ito na ang hudyat!  Maglalabasan na sila. Kasama ko noon sina Mader, si Daddy at si JP.  Sa dami ng tao ay hindi ko inaasahan pang makikita ko pa ang kapatid kong maglakad…

Pero ito ang nahagilap ng kaibigan kong si JP.  

Masaya ang kapatid ko habang kabi-kabila ang pagsalubong, pagyakap, pagkamay ng mga kaklase at mga kaibigan at mga professors niya. Kitang-kita mo yung saya!

Pero sa kabila ng saya niya, makikita mong may hinahanap…  Palinga-linga…

 

At nang kanyang makita ang mga ito… isang napakahigpit na yakap at iyak ang isinalubong nito sa aking mga magulang.  Walang pakialam sa kung sino ang mak akakita…  kung ito ba ay baduy, OA o jologs.  Ako ay natigilan sa may likod… naramdaman ko kasi ung bigat at gaan ng loob na dumating at unti-unting nawala sa scene na un… 

Pagkat alam mo… na anumang laban ang haharapin mo… lalaban at pagtatagumpayan mo…
para sa kanila..

Goodluck sa yo, bro at Maraming Maraming Salamat!