Bopols Inc.

Ganda ng araw na to para sa akin.  Hindi ko man natapos ang mga dapat kong tapusin sa trabaho, mas masaya ako sa mga nakausap at nakasama kong tao.  Problema, kainan, kwentuhan, kapihan, o tungkol sa trabaho… sa kabuuan ay nakabuo ako ng isang maganda at kapaki-pakinabang na araw.

Hanggat maaari, hanggat kaya pa ng powers ko, kung kinakailangan kong ishare ang mga kalurkei-yan ko sa buhay at dating trabaho, gagawin ko… para hindi na danasin pa ng mga taong malapit sa akin ang mga hang-ups at falldown dahil sa mga abrupt na desisyon na nagawa ko. 

Naalala ko ang isang kaibigan ko dati.  Sabi ko sa kanya, hanggat kaibigan mo ako… hindi ko hahayaang malugmok ka… kung hindi mo ako pakikinggan, mas gugustuhin ko pang lumayo kesa makita kang patuloy na malulugmok at wala akong nagawang tulong sa yo habang kaibigan mo ako.

Hindi naman talaga likas na malakas ang loob ko.  Ang totoo nyan, may kahinaan din ako.  Pero kinailangan kong magtapang-tapangan para sa sarili ko at para sa ibang tao na maaaring mangailangan ng kokonting tapang meron ako.  Minsan, umaattend ako ng meeting na lakas ng loob lang ang meron ako o minsan mga hirit kong lumulusot lang hehehe. 

Minsan lang kasi ako makausap ng matino… at swerte ka pag natyempuhan mo yun… pag kabilugan ng buwan…

Haaay, napakakulay ng bawat nangyari pero higit itong nagpatingkad sa natuklasan kong… ang mga bopols kong desisyon noon, maaaring may magawang mabuti sa makakasalamuha ko ngayon.  Ansayang isiping ang Bopols, Inc. ko pwedeng maging Corrected By pagdating ng panahon.

Goodluck Sir Chris sa bagong work… nawa’y magkitakits pa rin.  At tuparin mo ang pangako mong "Tuloy ang Dota" saan man naroroon hehehehe…

At kay tukayong Shem… walang Batanguenang sumusuko sa laban ng buhay.  When the problem persists, undayan mo ng balisong… har har har!

Grabe ang problema ko lang na inisip ngayon, hindi ko nabili ung brown na tsinelas na pangterno sa brown kong jumper… tsk tsk tsk!  At ung red bag na Adidas na sale, pagbalik ko … nabili na!  Sa sobrang inis ko, nagkamali ako ng daan pabalik sa office.. naligaw pa ako.. toink!