Old Friends

May dalawang matandang lalaki.  Iyong isa ay drayber at ung isa ay pasahero na nakaupo sa mismong harapan ng jeep.
Ansaya ng kwentuhan nila.  Inassume ko na matagal ng magkaibigan ang dalawa base sa nasasagap ng radar ko sa kwentuhan nila.  Hindi nga nila halos naririnig ang “bayad po!” o “mama para!” dahil sa sarap ng kwentuhan.  Kung kumita man o hindi ang drayber, sa tingin ko ay mas masaya cia sa kwentuhan nilang magkaibigan.
Naisip kong bigla, sana dumating din ako sa puntong ganon.  Sa pagtanda ko, meron pa ring kaibigan na walang sawang magpapaalala sa akin ng magandang pagsasama at magandang mga alaala ng kabataan na malayo sa anumang pagdududa at intriga.  Yung mga simpleng tawa lang ba…
Iba ang tunog ng halakhakan pag totoong magkaibigan… at iba ang dating ng kwentuhan pag ramdam mong totoo ang lahat-lahat …