Signs Nya :)

Nang magkaharap-harap kaming magkakapamilya, masaya at hagalpakan sa tawa.  Kanya kanyang toink-able moments ang bawat isa.  Sayang at walang videocam nun na pwedeng icapture ang mga nakakatawang moments. 

Kanya-kanyang kwentuhan ng magkakaibang signs.   

Tuesday morning – may nanggitgit sa aming white L3 sa may Osmena Highway habang papasok kami ni Ovel sa trabaho.  Malapit na ciang mainis at pinlano nang tapatan sa stop light ang nanggitgit na sasakyan… Sakto, pagtapat nung L3 sa kaliwa, nakasulat sa gilid neto “God answers prayers!”.  Nagkatinginan kaming dalawa sabay sabi niya, “Ate, ito kaya ang sign?” <sabay goosebumps>. 

Arangkada ulit.  Pagtigil ulit sa stop light, nasa gawing kanan na namin cia, at ang nakasulat naman sa kabilang side “Blessed are those who entrust everything to the Lord.”.  Nasabi ko na sa kanya, “Kaya tayo ginigitgit, para mabasa natin un!”…  

Wednesday – Baclaran Church.  Dahil sa dami ng tao, hindi ko agad natingnan ang altar.  Tungo agad ako para magdasal.  Nung nasa aisle na kami papuntang altar, nabasa ko ang malaking malaking letters na “ALLELUIA” <sabay goosebumps ulit> 

Thursday – St. Jude.  Ito nga yung finale nang “I Will Sing Forever” ng Bukas Palad. 

Saturday – Sa pagtitirik namin ng maraming kandila sa Baclaran, tanging kong sinabi … “sana Lord, sa dami ng kandilang ito… ung liwanag ang gagabay sa amin para sa huling tagumpay ni Rovs.  Bago mag-alas dos ng hapon, papunta kaming elevator palabas ng parking lot… pag-akyat naming sa escalator ng MOA, napapikit ako dahil sa nasilaw ako sa sobrang liwanag at init na sumalubong sa amin paakyat.  Noon, tumulo ang luha ko… ilang segundo lang, nakatanggap na kami ng balita na “pasado cia”…. Iyon ang naging dahilan bakit napahagulhol ako ng iyak sa parking lot.  

Sa dami ng signs na hiningi ko… hanggang sa kahuli-hulihang sandali… ramdam na ramdam ko… 

Si Daddy pala noon ang sign na hiningi, pag may pumutok na balloon sa children’s party sa tapat ng bahay, iyon ang sign nya na pasado… 4:10pm ng hapon, 3 magkakasunod na pumutok na balloons ang nagpagulat sa kanya… saktong pagbalita namin kay Mader nang magandang balita… 

Halos isang buong lingo ng makapanindig-balahibong signs…